काठमाडौँ । नेपाल विद्यार्थी संघ (नेविसंघ) ले विद्यालय शिक्षा विधेयक कता हराएको भन्दै प्रश्न गरेको छ । संसद्को शिक्षा, स्वास्थ्य तथा सूचना प्रविधि समितिका सभापति अम्मरबहादुर थापालाई ज्ञापन पत्र बुझाउँदै नेविसंघले विधेयक कता हराएको भन्दै प्रश्न गरेको हो । नेविसंघले विधेयकमाथिको छलफल तत्काल अघि बढाउन माग गरेको छ ।
नेविसंघले सभापति थापासँगै शिक्षा, विज्ञान तथा प्रविधि मन्त्रालयका शिक्षा सचिव डा. दीपक काफ्लेलाई समेत ज्ञापन पत्र बुझाएको छ । नेविसंघका प्रवक्ता सुरज सेजुवालले शिक्षा क्षेत्रका विभिन्न मागहरू राखेर सभापति र शिक्षा सचिवलाई ज्ञापन पत्र बुझाएको बताए ।
नेविसंघले विद्यालय शिक्षासँगै विश्वविद्यालय छाता ऐन चाँडो भन्दा चाँडो जारी गर्न समेत माग गरेको छ । त्यस्तै मापदण्ड विपरीत चर्को भर्ना शुल्क असुल्ने विद्यालयहरूलाई कारबाही गर्न समेत माग गरेको छ । कक्षा ११ मा भर्नाको नाममा कतिपय विद्यालयहरूले चर्को शुल्क लिइरहेको भन्दै नेविसंघले त्यस्ता विद्यालयहरूमाथि तत्काल कारबाही गर्न माग गरेको हो ।
भर्नाको नाममा दोहोरो भर्ना शुल्क लिने गरेको भन्दै त्यस्ता विद्यालयमाथि छानबिन गरेर कारबाही माग गरिएको प्रवक्ता सेजुवालले बताए ।
इन्टरनेटमा के गरौं गरौं हुन्छ
टेलिकमको फाइबर इन्टरनेट जोड्ने ग्राहकलाई
क्यासिनो एपमार्फत नेपालीलाई सट्टेबाजीमा लगाउने
मोबाइल एपमार्फत १ घण्टामै श्रम
आठ महिनामा नेपाल भित्रिए ७८
खेलकुद मन्त्री र आइसिसी अध्यक्षबीच