काठमाडौं– नेपाल खेलकुद पत्रकार मञ्चको आयोजनामा एनएसजेएफ पल्सर स्पोर्ट्स अवार्ड भाद्र २८ गते आयोजना हुने भएको छ ।
मञ्चले बुधबार काठमाडौंमा पत्रकार सम्मेलन गर्दै २१ औं संस्करणको स्पोर्ट्स अवार्ड भाद्र २८ गते आयोजना हुने जनाएको हो । वर्ष अवार्डमा १० विधा समावेश गरिएको मञ्चका महासचिव प्रज्वल ओलीले जानकारी दिए ।
वर्षका उत्कृष्ट पुरुष खेलाडी, वर्षका उत्कृष्ट महिला खेलाडी, वर्षका उत्कृष्ट युवा खेलाडी, वर्षका उत्कृष्ट प्रशिक्षक, पिपल्स च्वाइस अवार्ड, पारा एथलिट सम्मान, स्पेसल अवार्ड, टिम अफ दी एयर, लाइफटाइम अचिभमेन्ट अवार्ड, एसियन स्पोर्ट्स जर्नालिस्ट अवार्ड विधा रहने मञ्चले नजाएको छ ।
वर्ष खेलाडी पुरुष, महिला, युवा, प्रशिक्षक, पिपल्स च्वाइसको मनोनयन भने केही दिनमै सार्वजनिक गरिने महासचिव ओलीले बताए ।
स्पोर्ट्स अवार्ड कार्यक्रमलाई पूर्वसन्ध्यांमा एआईपीएस एसिया पनि आयोजना गर्न लागेको मञ्चले जनाएको छ । २५ देखि २८ सम्म हुने कंग्रेसमा एसियाका ३३ देशका खेलकुद पत्रकारहरूको उपस्थिति हुने मञ्चका अध्यक्ष दुर्गानाथ सुवेदीले जानकारी दिए ।
पत्रकार सम्मेलनमा पल्सर नेपाल र मञ्चबीच अवार्डको मुख्य प्रायोजनको सम्झौता भएको थियो । सम्झौतामा गोच्छा ग्रुपका प्रबन्ध निर्देशक अभिमन्यु गोल्छा र मञ्चका अध्यक्ष दुर्गानाथ सुवेदीले हस्ताक्षर गरेका थिए ।
इन्टरनेटमा के गरौं गरौं हुन्छ
टेलिकमको फाइबर इन्टरनेट जोड्ने ग्राहकलाई
क्यासिनो एपमार्फत नेपालीलाई सट्टेबाजीमा लगाउने
मोबाइल एपमार्फत १ घण्टामै श्रम
आठ महिनामा नेपाल भित्रिए ७८
खेलकुद मन्त्री र आइसिसी अध्यक्षबीच