राजेश गजुरेल: नेपाली पुस्तक व्यवसायको प्रेरणादायी अनुहार

अर्थ चौतारी

२०८१ पुष २८, आईतवार

राजेश गजुरेल: नेपाली पुस्तक व्यवसायको प्रेरणादायी अनुहार

A A- A+

अमीर केसी ,काठमाडौँ:काठमाडौंको न्युरोडस्थित भूगोलपार्क छेउ ( अहिले पाइलट लेखेको गल्ली मा रहेको छ ! पिनट्स को अपोजिट )मा रहेको Newroad Bookstore का राजेश गजुरेल २०६४ सालदेखि पुस्तक व्यवसायमा सक्रिय हुनुहुन्छ। २० वर्षभन्दा बढीको अनुभव संगालेका गजुरेल नेपाली साहित्य र पुस्तक संस्कृतिको प्रचारप्रसारमा महत्त्वपूर्ण भूमिका खेल्दै आउनुभएको छ।

राजेश गजुरेलले औपचारिक शिक्षा माध्यमिक तहसम्म मात्र हासिल गर्नुभएको भए पनि, पुस्तकहरूसँगको निरन्तर सम्पर्कले उहाँलाई गहिरो ज्ञान र समझ प्रदान गरेको छ। उहाँ भन्नुहुन्छ, "स्कुलको शिक्षाले प्रमाणपत्र दियो, बाहिरी किताबले बाँच्न सिकायो।"

उहाँका अनुसार, पछिल्लो समयमा पाठकहरूको रुचिमा ठूलो परिवर्तन आएको छ। स्वदेशी पुस्तकहरूको माग घट्दै गएको छ भने विदेशी गैरसाहित्यिक पुस्तकहरूको लोकप्रियता बढ्दो छ। गजुरेलका अनुसार, यो प्रवृत्तिको प्रमुख कारण पुस्तकहरूको उच्च मूल्य र नयाँ, रोचक पुस्तकहरूको अभाव हो।

पुस्तक व्यवसायमा आइपर्ने चुनौतीहरूका बाबजुद, गजुरेलको समर्पणले नेपाली पुस्तक व्यवसायमा प्रेरणादायी भूमिका खेलेको छ। उहाँले पाठकहरूलाई मात्र पुस्तक उपलब्ध गराउने काम गर्नु भएको छैन, नेपाली साहित्य र ज्ञानको प्रचारप्रसारमा पनि सक्रिय योगदान दिनुभएको छ।

पुस्तक व्यवसाय मेरा लागि केवल व्यापार होइन, यो मेरो जीवनको एउटा अभिन्न हिस्सा हो," उहाँले भन्नुभयो।

राजेश गजुरेलजस्ता समर्पित व्यक्तिहरूको योगदानले नेपाली साहित्य र पुस्तक संस्कृतिको संरक्षणमा महत्त्वपूर्ण भूमिका खेलेको छ। उहाँ नेपाली समाजका लागि प्रेरणाको स्रोत बन्नुभएको छ।