यसरी मनाइयाे श्रीकृष्ण जन्माष्टमी (तस्बिरहरू)

अर्थ चौतारी

२०८१ भाद्र १०, सोमबार

यसरी मनाइयाे श्रीकृष्ण जन्माष्टमी (तस्बिरहरू)

A A- A+

काठमाडौं, भदौ १० । श्रीकृष्ण जन्माष्टमी पर्व, वैदिक सनातन धर्मावलम्बीले भगवान् श्रीकृष्णको पूजाआराधना गरी श्रद्धाभक्तिपूर्वक यो पर्व मनाइएको छ। ज्ञानयोग, कर्मयोग र भक्तियोगका प्रणेता भगवान् श्रीकृष्णको जन्म द्वापरयुगमा भाद्रकृष्ण अष्टमीको मध्यरातमा भएकाले यस दिनलाई ‘श्रीकृष्ण जन्माष्टमी’ र रातलाई ‘मोहरात्री’ भनिन्छ। यस दिन देशभरिका कृष्णमन्दिरमा भगवान् श्रीकृष्णको पूजा–आराधना, प्रवचन, भजनकीर्तन गर्नाका साथै ‘व्रत’ गरी रातभर जाग्राम बस्ने प्रचलन छ।

अन्याय, अत्याचार र राक्षसी प्रवृत्तिबाट सम्पूर्ण मानवको रक्षा गर्न भगवान् विष्णुको आठौं अवतारका रूपमा जन्मेका श्रीकृष्णले आजीवन सत्यको पक्षमा रही सत्कर्मका लागि मानव समुदायलाई प्रेरित गर्नुभएको धर्मग्रन्थमा उल्लेख छ। कृष्ण जन्माष्टमीको अवसरमा बिहीबार पाटनको मङ्गलबजारस्थित प्रसिद्ध कृष्णमन्दिरमा ठुलो मेला लागेको छ। हरेक वर्ष पाटनको कृष्ण मन्दिरमा दर्शनार्थी भक्तजनहरुको भीड लाग्ने गर्दछ। साथै विभिन्न कृष्णगाथाको मञ्चन गरेर समेत कृष्ण जन्माष्टमी पर्व मनाइन्छ।