भ्रष्टाचारको छानबिनमा नाम आएका मन्त्रीबाट सुशासनको अपेक्षा गर्न सकिँदैनः गौतम

अर्थ चौतारी

२०८१ असार ३१, सोमबार

भ्रष्टाचारको छानबिनमा नाम आएका मन्त्रीबाट सुशासनको अपेक्षा गर्न सकिँदैनः ...

A A- A+

काठमाडौँ । राष्ट्रिय स्वतन्त्र पार्टी (रास्वपा)की सांसद सोविता गौतमले नवगठित सरकारको समावेशिताप्रति प्रश्न उठाएकी छन् । सोमवार प्रतिनिधि सभा बैठकको आकस्मिक समयमा बोल्दै सांसद गौतमले नवगठित सरकार समावेशी नभएको भन्दै प्रश्न उठाएकी हुन् । उनले मन्त्रिपरिषद्मा संविधानले सुनिश्चित गरे अनुरूपको महिलाको प्रतिनिधित्व नभएको बताइन् । त्यस्तै दलितको प्रतिनिधित्व शून्य रहेको भन्दै सरकारले समावेशितालाई हेर्ने दृष्टिकोण के हो भनि प्रश्न गरिन् । उनले स्वार्थको द्वन्द्व हुनेखालको व्यक्तिलाई मन्त्री नियुक्त गरिएको उल्लेख गर्दै यसप्रति पनि सरकारको जवाफ माग गरिन् । उनले भ्रष्टाचारमा मुछिएर छानबिनमा नाम आएका मन्त्रीबाट सुशासनको अपेक्षा गर्न नसकिने बताइन् । उनले भनिन्, ‘भ्रष्टाचारको मुद्दामा नाम मुछिएर छानबिनमा नाम आएका मन्त्रीबाट सुशासनको अपेक्षा हामीले कसरी गर्ने ? यो बारेपनि सरकारले हामीलाई स्पष्ट पारिदेओस् । हाम्रो गम्भीर चिन्ताको विषय हो ।’उनले मन्त्रीहरुलाई आफ्नो सम्पती विवरण सार्वजनिक गर्न आग्रह पनि गरिन् ।