राजनीतिक सहमति नजुट्दा संसद् फेरि निष्क्रिय, जनअपेक्षा प्रतीक्षारत नै रह्यो

अर्थ चौतारी

२०८२ जेष्ठ २०, मंगलवार

राजनीतिक सहमति नजुट्दा संसद् फेरि निष्क्रिय, जनअपेक्षा प्रतीक्षारत नै ...

A A- A+

काठमाडौँ। प्रतिनिधिसभाको मंगलबारको बैठक बस्दै नबसी स्थगित भएको छ ।

प्रतिनिधिसभाको बैठक सूचना टाँस गरी बुधबार दिउसो १ बजेसम्मका लागि स्थगित गरिएको हो । मंगलबार बिहान ११ बजेका लागि बोलाइएको बैठक निर्धारित समयमा बस्न नसकेपछि सूचना टाँस गरी दिउसो दुई बजेका लागि सारिएको थियो । तर दिउँसो पनि बैठक बस्ने सक्ने अवस्था नरहेपछि सूचना टाँस गरी बुधबार दिउसो १ बजेसम्मका लागि स्थगित गरिएको हो ।

भिजिट भिसा प्रकरणमा उच्चस्तरीय छानविन आयोग गठन र गृहमन्त्रीको राजीनामा माग राख्दै यसअघिका बैठकमा बिपक्षी दलले अवरोध गरेका थिए ।

संसद्को गतिरोध अन्त्यका लागि सभामुख देवराज घिमिरेले प्रतिपक्ष दल र सत्तापक्षीय दलका प्रमुख र मुख्य सचेतकहरूसँग संयुक्त र छुट्टाछुट्टै छलफल गर्नुभएको थियो, तर कुनै सहमति हुन नसकेपछि मंगलबार पनि प्रतिनिधिसभा बैठक प्रभावित भएको हो ।