बेचन तर्फका कानुन व्यवसायीको बहस पूरा, जाहेरवालाको तर्फबाट आइतबार बहस

अर्थ चौतारी

२०८१ श्रावण ३२, शुक्रबार

बेचन तर्फका कानुन व्यवसायीको बहस पूरा, जाहेरवालाको तर्फबाट आइतबार ...

A A- A+

काठमाडौँ । नक्कली भुटानी शरणार्थी प्रकरणमा पक्राउ परेका बेचन झा तर्फका कानुन व्यवसायीले आफ्नो बहस पूरा गरेका छन् । शुक्रबार वरिष्ठ अधिवक्ता कृष्ण प्रसाद सापकोटा, महादेव यादव, अधिवक्ता पुरुषोत्तम अर्याल र मणिराम उपाध्यायले झाको तर्फबाट बहस गरेका हुन् ।

शुक्रबार अधिवक्ता यज्ञमणी न्यौपानेले जाहेरवालाको तर्फबाट बहस गर्न खोजेपछि बेचन तर्फका कानुन व्यवसायीले असहमति जनाए । न्यौपानेले बहस गर्न पाउनुपर्ने जिकिर गरेपछि न्यायाधीश तीर्थराज केसीले उनको वकालतनामा हेर्न आदेश गरेका थिए । यसअघि उनले प्रतिवादी रामशरण केसीको तर्फबाट बहस गरेको भेटिएको छ ।जाहेरवालको तर्फबाट सरकारी वकिल कार्यालयका सन्तोषराज कटुवालले बहस गरेका छन् । जाहेरवालाको तर्फबाट थप कानुन व्यवसायीले बहस गर्न खोजेपछि न्यायाधीश केसीले इजलासमा भने, ‘मुद्दा हेर्दाहेर्दैमा राखेर अर्को दिन बहस सुन्छु ।’बहस अवधिभर बेचन इजलासमा चुपचाप बसिरहे । सेतै दाह्री भएका झाले अदालतमा र प्रहरीमा इन्कारी बयान गरेका छन् । प्रतिवादी मध्येका रामशरण केसीले उनलाई दुई करोड रकमको चेक दिएको बयान दिएका थिए । बेचनले सो तथ्य अस्वीकार गरेका छन् ।