मेयर नकर्मीप्रति देउवा र प्रकाशमानको श्रद्धाञ्जली

अर्थ चौतारी

२०८१ श्रावण ११, शुक्रबार

मेयर नकर्मीप्रति देउवा र प्रकाशमानको श्रद्धाञ्जली

A A- A+

काठमाडौं । कीर्तिपुर नगरपालिकाका दिवंगत मेयर राजकुमार नकर्मीको पार्थिव शरीर नगरपालिका कार्यालय परिसरमा राखिएको छ । नेपाली कांग्रेसका सभापति शेरबहादुर देउवा, उपप्रधानमन्त्री एवम् शहरी विकास मन्त्री प्रकाशमान सिंह लगायतले उनीप्रति श्रद्धाञ्जली अर्पण गरेका छन् । अन्य नेता–कार्यकर्ता, स्थानीयबासी र कर्मचारीहरु पनि श्रद्धाञ्जली अर्पणमा सहभागी छन् । मिर्गौला रोगबाट पीडित नकर्मीको ६० वर्षको उमेरमा गएराति निधन भएको थियो । उनको बीर अस्पतालमा उपचारको क्रममा निधन भएको हो । मेयर नकर्मीको निधनपछि आज कीर्तिपुर नगरपालिकाभर शोक बिदा दिइएको नगरपालिकाका प्रमुख प्रशासकीय अधिकृत माधव प्रसाद ढकालले जानकारी दिए ।