दक्षिण कोरियाली टिभी सिरियल हेरेको भन्दै ३० भन्दा धेरै बच्चालाई मृत्युदण्ड

अर्थ चौतारी

२०८१ असार ३१, सोमबार

दक्षिण कोरियाली टिभी सिरियल हेरेको भन्दै ३० भन्दा धेरै ...

A A- A+

प्योङयाङ । उत्तर कोरियाको तानाशाहबारे नसुन्ने मान्छे त कमै होलान् । आफ्ना शत्रुहरूसँग उनको रिस यति भयानक हुन्छ कि कुनै हालतमा तिनीहरूको प्रशंसा सहन सक्दैनन् ।

हालै मात्र उत्तर कोरियाका शासक किम जोङ उनले दक्षिण कोरियाली र अमेरिकी टिभी शोजहरू हेरेको भन्दै ३० भन्दा बढी बालबालिकालाई मृत्युदण्ड दिएका छन् । यही वर्षको सुरुमा किमले दक्षिण कोरियालाई आफ्नो सबैभन्दा ठुलो शत्रु घोषणा गरेका थिए । उत्तर कोरियामा दक्षिण कोरियाली टिभी कार्यक्रम हेर्नु र गीत सुन्नु अपराध हो ।

उत्तर कोरियामा दक्षिण कोरियाली टिभी सिरियल र कार्यक्रमहरू प्रसारण हुँदैन । केही तस्करले लुकीचोरी पेन ड्राइभमा महँगो मूल्यमा बालबालिकाहरूलाई यस्ता प्रतिबन्धित टिभी सिरियलहरू बेच्ने गरेका छन् । हालै दक्षिण कोरियाली मिडिया चोसुन टिभी र कोरिया जोङआङ डेलीले एउटा रिपोर्ट तयार गरेका थिए ।

रिपोर्टका अनुसार उत्तर कोरियाले लुकीचोरी के–ड्रामा हेरेको भन्दै माध्यमिक विद्यालयमा पढ्ने ३० जना विद्यार्थीलाई मृत्युदण्ड दिएको दाबी गरेको छ । दक्षिण कोरियाली अधिकारीहरूले यी दाबीमा सीधै टिका टिप्पणी गरेका छैनन् । उत्तर कोरियामा के भइरहेछ भन्ने आफूहरूलाई थाहा भएको अनि रिपोर्ट यसको प्रमाण भएको दक्षिण कोरियाली मन्त्रालयका एक अधिकारी जोङङ डेलीले बताएका छन् ।

सार्वजनिक स्थानमा गोली प्रहार

बिजनेस इनसाइडरको रिपोर्टका अनुसार दक्षिण कोरिया, अमेरिका र जापानको संस्कृतिलाई कुनै पनि नागरिकले नअपनाउन् भन्ने सुनिश्चित गर्न उत्तर कोरियामा कानुनै ल्याइएको छ । कसैले यस्तो गरेको पाइएमा कडा कारबाही हुनेछ ।

यसअघि पनि दक्षिण कोरियाली गीत सुन्नेलाई मृत्युदण्डको सजाय दिइएको खबर आएको थियो । सन् २०२२ मा संयुक्त राष्ट्र संघको एक रिपोर्टमा उत्तर कोरियाको कांगवोन प्रान्तमा एक व्यक्तिलाई सार्वजनिक रूपमा गोली हानिएको भनिएको थियो ।

दक्षिण कोरियाली टिभी कार्यक्रमको क्लिप बेचेको पाइएपछि उनलाई सो सजाय दिइएको थियो । के–पप भिडियो हेरेको आरोपमा १२ वर्षको कडा परिश्रमको सजाय पाएका दुई किशोरहरूको विशेष फुटेज आफूले प्राप्त गरेको भन्दै बीबीसी न्यूजले पनि जनवरीमा एउटा समाचारमा भनेको थियो ।