उद्धारदेखि राहत वितरणसम्मका सबै संयन्त्र तयारी अवस्थामा रहेको प्राधिकरणको दाबी

अर्थ चौतारी

२०८२ जेष्ठ २०, मंगलवार

उद्धारदेखि राहत वितरणसम्मका सबै संयन्त्र तयारी अवस्थामा रहेको प्राधिकरणको ...

A A- A+

काठमाडौँ। राष्ट्रिय विपद जोखिम न्युनिकरण तथा व्यवस्थापन प्राधिकरणले यसबर्षको मनसुनजन्य विपदबाट करिव २० लाख सर्वसाधारण प्रभावित हुन आंकलन गरेको छ ।

मनसुन पुर्वतयारी तथा प्रतिकार्य राष्ट्रिय कार्ययोजनाका बारेमा जानकारी दिन मंगलबार काठमाडौंमा पत्रकार सम्मेलन गर्दै प्राधिकरणले यस वर्षको मनसुन अवधिमा सरदरभन्दा बढी वर्षा र गर्मी हुने प्रक्षेपण रहेको भन्दै करिव २० लाख सर्वसाधारण सर्वसाधारण प्रभावित हुन आंकलन रहेको जनाएको हो ।

प्राधिकरणको कार्ययोजनामा यस वर्षको मनसनुजन्य विपद्बाट देशभर करिब ४ लाख ५७ हजार १ सय ४५ घरधुरीका १९ लाख ९७ हजार ७ सय ३१ जनसंख्या प्रभावित हुने आकलन गरिएको छ । त्यसमध्ये २ लाख जना प्रत्यक्ष प्रभावित हुने देखिएको प्राधिकरणका प्रवक्ता राम बहादुर के.सी.ले जानकारी दिए । उनले बिपद जोखिम न्यूनिकरणका लागि मनसुन सुरुहुने बितिकै केन्द्रदेखि स्थानीय तहमा प्रतिकार्य कमाण्ड पोष्ट सक्रिय हुने बताए । उनले खोज तथा उद्धारका लागि बेलिब्रिज, र्याफ्टिङ बोट र हेभी इक्यूपमेन्टसहितका सामग्रीहरु प्रयाप्त मौज्दात राखिएको बताए प्रवक्ता केसीले मनसुन प्रतिकार्यका लागि सवै स्थानीयहलाई सक्रिय बनाउने गरि परिपत्र समेत जारी भइसकेको उल्लेख गरे । .

त्यस्तै केन्द्रीय र जिल्ला बिपद व्यवस्थापन कोषमा प्रयाप्त मौज्दातको सुनिश्चितता गरिएको प्राधिकरणले जनाएको छ । पत्रकार सम्मेलनमा राष्ट्रिय विपद् जोखिम न्यूनीकरण तथा व्यवस्थापन प्राधिकरणका निमित्त कार्यकारी प्रमुख एवं सहसचिव बन्धु प्रसाद बास्तोलाले विपद्का सूचना तथा जानकारी समयमै नागरिकसम्म पुर्‍याउने कार्यमा सवैको सहयोग आवश्यक रहेको बताए ।