मधेसका मुख्यमन्त्री सिंहद्वारा मन्त्रीहरूसँग कार्य सम्पादन करार सम्झौता

अर्थ चौतारी

२०८१ श्रावण ३२, शुक्रबार

मधेसका मुख्यमन्त्री सिंहद्वारा मन्त्रीहरूसँग कार्य सम्पादन करार सम्झौता

A A- A+

काठमाडौँ । मधेस प्रदेशका मुख्यमन्त्री सतिशकुमार सिंहले मन्त्रीहरूसँग कार्य सम्पादन करार सम्झौता गरेका छन् । शुक्रबार मुख्यमन्त्री तथा मन्त्रीपरिषद्को कार्यालयमा मुख्यमन्त्री सिंहले मन्त्रीहरूसँग कार्य सम्पादन करार सम्झौता गरेका हुन् ।

पछिल्लो समय मधेसका मन्त्रालयहरूको कार्यक्रम तथा योजनाहरू समयमै सम्पन्न नहुने, बजेट अत्यधिक मात्रामा फ्रिज हुने लगायतका समस्या समाधान गर्ने उद्देश्यले सम्बन्धित मन्त्रीहरूसँग कार्य सम्पादन करार सम्झौता गरिएको मुख्यमन्त्री सिंहले बताए । मन्त्रालयहरूको कार्य सम्पादन मजबुत बनाउन सम्बन्धित मन्त्रीहरूसँग सम्झौता गरिएको उनले बताए । मन्त्रालयका योजनाहरू कार्यान्वयनमा के कारणले र कसको कारणले ढिलाइ वा समस्या भइरहेको छ भन्ने पत्ता लगाउन र सोको समाधान गर्न सहज हुने मुख्यमन्त्री सिंहले बताए ।