काठमाडौँ । युरो कप फुटबल प्रतियोगिताको उपाधिका लागि स्पेन र इङ्ल्यान्डबिच भिडन्त हुँदैछ । खेल नेपाली समयअनुसार, सोमबार बिहान खेलिने छ । तर, फाइनलमा स्पेनका प्रभावशाली खेलाडी अल्भारो मोराटाको सहभागिता भने अन्योलमा परेको छ ।
सुरक्षा गार्डसँग ठोक्किएर घाइते भएका कारण फाइनलमा ३१ वर्षीय मोराटाको सहभागिता अन्योलमा परेको हो । स्पेन र फ्रान्सबिचको सेमिफाइनल खेलका क्रममा उक्त दुर्घटना भएको समाचारमा जनाइएको छ ।
सेमिफाइनलमा स्पेनले फ्रान्सलाई २–१ गोलले हराएपछि स्पेनिस टोलीका केही समर्थक मैदानभित्र प्रवेश गरेका थिए । अनधिकृत रूपमा मैदानभित्र प्रवेश गरेका समर्थकलाई निकाल्न सुरक्षाकर्मी पनि दौडँदै मैदानमा पुगेका थिए ।
सोही क्रममा एक सुरक्षाकर्मी अल्भारो मोराटासँग ठोक्किन पुगेका थिए । सुरक्षाकर्मी चिप्लिएर मोराटासँग ठोक्किएका थिए । सुरक्षाकर्मीसँग ठोक्किएर मोराटाको दायाँ खुट्टामा चोट लागेको छ । उनको खुट्टामा अत्यधिक पिडा भइरहेको स्पेनिस टोलीका व्यवस्थापकले जनाएका छन् ।
उनको स्वास्थ्य परीक्षण भइरहेको पनि समाचारमा जनाइएको छ । स्पेनिस टोलीका मिडफिल्डर रोड्रीले पनि मोराटाको खुट्टामा अझै पिडा भइरहेको जनाएका छन् । उनले फाइनलअघि नै मोराटा स्वास्थ्य भइसक्ने विश्वास पनि व्यक्त गरेका छन् ।
स्पेनिस क्लब एट्लेटिको म्याड्रिडबाट व्यावसायिक फुटबल खेल्ने मोराटा जारी युरो कपमा पनि टोलीका भरपर्दा खेलाडी हुन् । उनले जारी युरो कपको समूहगत चरणमा क्रोएसियाविरुद्ध आकर्षक गोल पनि गरेका थिए ।
‘दुर्घटनाका अगाडि कसैको केही लाग्दैन । हामी पर्ख र हेरको स्थितिमा छौँ । गम्भीर समस्या भएजस्तो लाग्दैन । उनको खुट्टामा अझै पनि पिडा छ । फाइनल खेलअघि नै मोराटा स्वास्थ्य भइसक्ने विश्वास छ,’ स्पेनिस टोलीका प्रशिक्षक लुइस डे ला फुएन्टले भनेका छन् ।
स्पेन र फ्रान्सबिचको सेमिफाइनल खेलका क्रममा दुवै टोलीका समर्थक पटक–पटक मैदानभित्र प्रवेश गरेका थिए । दोस्रो हाफको खेल भइरहँदा फ्रान्सेली टोलीका कप्तान केलियन एमबाप्पेका एक समर्थक मैदानभित्र प्रवेश गरेका थिए । ती समर्थक एमबाप्पेसँग सेल्फी लिन चाहन्थे । उनलाई पनि सुरक्षा गार्डले बाहिर निकालेका थिए ।
इन्टरनेटमा के गरौं गरौं हुन्छ
टेलिकमको फाइबर इन्टरनेट जोड्ने ग्राहकलाई
क्यासिनो एपमार्फत नेपालीलाई सट्टेबाजीमा लगाउने
मोबाइल एपमार्फत १ घण्टामै श्रम
आठ महिनामा नेपाल भित्रिए ७८
खेलकुद मन्त्री र आइसिसी अध्यक्षबीच