अमीर के.सी,काठमाडौं:- काठमाडौं उपत्यकाको पश्चिम किनारमा अवस्थित ऐतिहासिक, धार्मिक तथा प्राकृतिक सौन्दर्यले भरिपूर्ण ईन्द्रदहमा यही फागुन ९ गते (शुक्रबार) ८औं ‘ईन्द्रदह पर्यटन उत्सव’ आयोजना हुने भएको छ। चन्द्रागिरि नगरपालिकाको वडा नं. १, दहचोक–ईन्द्रदह क्षेत्रमा आयोजना हुने यस उत्सवले आन्तरिक तथा बाह्य पर्यटकलाई आकर्षित गर्ने अपेक्षा गरिएको छ।
विशेष आकर्षणहरू:
स्थानीय परिकारको स्वाद – दहचोक क्षेत्रमा सञ्चालित लोकल होमस्टेहरूद्वारा तयार गरिएका स्वादिष्ट नेपाली परिकारहरूको स्टल रहनेछ। राष्ट्रिय फूल लालिगुराँसको अनुपम दृश्य – वसन्त ऋतुको आगमनसँगै ईन्द्रदह क्षेत्रमा राताम्मे लालिगुराँस फुल्ने सुन्दर दृश्य पर्यटकहरूका लागि विशेष आकर्षण हुनेछ। ३६० डिग्री मनोरम दृश्य – यस स्थानबाट हिमालय श्रृंखला, हरियाली पहाड, उपत्यकाका मनोरम दृश्यहरू अवलोकन गर्न सकिन्छ। धार्मिक तथा ऐतिहासिक स्थलहरू • ईन्द्रदह: पौराणिक कथनअनुसार, राजा इन्द्रले वर्षा पुजाका लागि यस दहमा स्नान गरेको विश्वास गरिन्छ। • मनकामना मन्दिर: भक्तजनहरूको आस्थाको केन्द्र, जहाँ दर्शन गर्नाले मनोकामना पूरा हुने जनविश्वास रहेको छ। • काजी कालुपाण्डे समाधि: नेपालका वीर गोरखाली सैनिक काजी कालुपाण्डेको सम्झनामा निर्मित समाधि, जसले गोरखाली सेनाको वीरगाथा सम्झाउँछ। हाइकिङ तथा ट्रेकिङ अवसरहरू – ईन्द्रदहको हरियाली जंगल, शान्त वातावरण, र प्राकृतिक सौन्दर्यले भरिएको क्षेत्र ट्रेकिङ तथा हाइकिङ प्रेमीहरूका लागि आदर्श गन्तव्य हुनेछ। फोटोसुट तथा ध्यानका लागि उत्कृष्ट स्थान – प्राकृतिक सुन्दरताले भरिपूर्ण यस स्थानमा फोटोसुट, ध्यान तथा अध्यात्मिक शान्ति खोज्न आउनेहरूका लागि विशेष आकर्षण हुनेछ।
किन जानु पर्छ?
धार्मिक आस्था र ऐतिहासिक महत्वको अनुभव गर्न मनोरम दृश्यसहित प्राकृतिक सौन्दर्यको मज्जा लिन शान्त वातावरणमा परिवार तथा साथीहरूसँग रमाइलो गर्न ट्रेकिङ, फोटोसुट, ध्यान तथा अध्यात्मिक शान्ति खोज्न
‘ईन्द्रदह एकीकृत पर्यटन विकास समिति’को आयोजनामा सम्पन्न हुन लागेको यो उत्सवले दहचोक क्षेत्रको पर्यटन प्रवर्द्धन गर्ने लक्ष्य राखेको छ। सम्पूर्ण पर्यटक, तीर्थयात्री तथा सौन्दर्यप्रेमीहरूलाई उत्सवमा उपस्थित भई ऐतिहासिक, धार्मिक तथा प्राकृतिक गन्तव्यको अनुभूति गर्न आयोजक समितिले हार्दिक निमन्त्रणा गरेको छ।
इन्टरनेटमा के गरौं गरौं हुन्छ
टेलिकमको फाइबर इन्टरनेट जोड्ने ग्राहकलाई
क्यासिनो एपमार्फत नेपालीलाई सट्टेबाजीमा लगाउने
मोबाइल एपमार्फत १ घण्टामै श्रम
आठ महिनामा नेपाल भित्रिए ७८
खेलकुद मन्त्री र आइसिसी अध्यक्षबीच