काठमाडौं । प्रमुख प्रतिपक्षी दल नेकपा माओवादी केन्द्रले हालैको उपनिर्वाचनले माओवादीले बोकेको एजेण्डा जनताबाट अनुमोदित भएको निष्कर्ष निकालेको छ ।
बिहीबार अध्यक्ष पुष्पकमल दाहाल प्रचण्डको निवास खुमलटारमा बसेको पदाधिकारीको बैठकले उपनिर्वाचनमा जनताले माओवादीले बोकेका एजेण्डा जनताले स्वीकार गरेको निष्कर्ष निकालेको प्रवक्ता अग्नि सापकोटाले जानकारी दिए ।
बैठकले आगामी ०८४ सालको निर्वाचन एक्लै लड्ने गरि यसअघि नै गरेको निर्णय कार्यान्वयनको लागि गाउँतहसम्म काम गर्ने निर्णय गरेको सापकोटाले बताए । सापकोटाले अब सबै तयारी २०८४ को चुनाव जित्नका लागि’ गर्ने बताए । त्यसका लागि पार्टी अध्यक्ष प्रचण्ड नेतृत्वको सरकारले थालेको सुशासनको अभियानलाई जनतासम्म लैजाने, पालिका अधिवेशन र खबरदारी सभामा नेतृत्व केन्द्रित रहने उनले जानकारी दिए ।
सापकोटाले भने ‘अबको सबै तयारी भनेको २०८४ को चुनाव जित्नका लागि हो । अध्यक्ष प्रचण्ड नेतृत्वको सरकारले थालेको सुशासनको अभियानलाई जनतासम्म लैजान्छौं । हामी बीचमा केही समय अलमलिए पनि अब जनता र हाम्रो मन एकै ठाउँमा भएको जस्तो लागेको छ’ ।
गत आइतबार भएको स्थानीय तहको उपनिर्वाचनमापार्टीले राम्रो नतिजा ल्याएपछि माओवादी केन्द्र उत्साहित बनेको छ । ४१ पदमा भएको उपनिर्वाचनमा माओवादीले एक पालिका अध्यक्ष, २ उपाध्यक्ष तथा एक नगर उपप्रमुख र ७ वडा जितेको थियो ।
इन्टरनेटमा के गरौं गरौं हुन्छ
टेलिकमको फाइबर इन्टरनेट जोड्ने ग्राहकलाई
क्यासिनो एपमार्फत नेपालीलाई सट्टेबाजीमा लगाउने
मोबाइल एपमार्फत १ घण्टामै श्रम
आठ महिनामा नेपाल भित्रिए ७८
खेलकुद मन्त्री र आइसिसी अध्यक्षबीच