काठमाडौं- फिल्म ‘के घर के डेरा’ को दोस्रो सिक्वेल ‘घर नम्बर २’ को छायाङ्कन पूरा भएको छ । निर्देशक दीपेन्द्रकुमार खनालले २५ दिनमा छायाङ्कनको काम पूरा भएको जानकारी दिएका हुन् ।
निर्देशक खनालले सार्वजनिक गरेको इन्ड क्ल्याप समारोहको तस्बिरमा फिल्मका शीर्ष कलाकार नायक आर्यन सिग्देल र नायिका उपासनासिंह ठकुरी लगायतलाई देख्न सकिन्छ ।
खनालले छायाङ्कनमा सहयोग गर्ने सबैमा कृतज्ञता व्यक्त गरेका छन् । यस फिल्मको छायाङ्कन काठमाडौं आसपासकै क्षेत्रमा गरेको बुझिएको छ ।
यो फिल्मको निर्माण पक्ष गत साउन २५ गते छायाङ्कनमा निस्किएको थियो । फिल्ममा आर्यन र उपासनासहित निश्चल बस्नेत, खगेन्द्र लामिछाने र केकी अधिकारी शीर्ष भूमिकामा रहेको बताइएको छ ।
यसअघि नै फिल्मको प्रदर्शन मिति माघ ११ गतेलाई तोकिएको छ । सोसल ड्रामा जनरामा बन्ने यस फिल्मको लेखक बुद्धिसागर हुन् ।
ए प्लस इन्टरटेन्मेन्ट र नटराज क्रियसनको ब्यानरमा बन्ने यस फिल्मका निर्माता शरद श्रेष्ठ, किरण महर्जन र राजीव श्रेष्ठ हुन् । कार्यकारी निर्माता युवराज कार्की हुन् ।
इन्टरनेटमा के गरौं गरौं हुन्छ
टेलिकमको फाइबर इन्टरनेट जोड्ने ग्राहकलाई
क्यासिनो एपमार्फत नेपालीलाई सट्टेबाजीमा लगाउने
मोबाइल एपमार्फत १ घण्टामै श्रम
आठ महिनामा नेपाल भित्रिए ७८
खेलकुद मन्त्री र आइसिसी अध्यक्षबीच