ग्वार्कोको गेष्ट हाउसमा बेहाेस भेटिएकी युवतीको मृत्यु, युवक प्रहरीको निगरानीमा

अर्थ चौतारी

२०८१ श्रावण ११, शुक्रबार

ग्वार्कोको गेष्ट हाउसमा बेहाेस भेटिएकी युवतीको मृत्यु, युवक प्रहरीको ...

A A- A+

काठमाडौं । ललितपुरको एक गेष्ट हाउसमा एक युवतीको मृत्यु भएको छ । ललितपुर महानगरपालिका वडा ७ ग्वार्कोमा रहेको सनलाइट गेष्टहाउसमा एकजना युवतीको मृत्यु भएको हो। गोदावरी नगरपालिका ८ डुकुछाप घर भै हाल सातदोबाटो ललितपुरमा बस्दै आएका २६ वर्षका सन्दिप बि.क ले गएराति ११ बजे आफ्नो साथमा लिएर आएको युवती बिहानीपख बेहोस भएकी थिइन् । युवती बेहोस भएपछि गेष्ट हाउस संचालकले ग्वार्कोमा रहेको बि एण्ड बि अस्पतालमा उपचारको लागि लगेको थियो । उपचारकै क्रममा बिहान सात बजे मृत्यु भएको प्रहरीले जनाएको छ । युवकले पनि सास फेर्न कठिनाइ भएको भनी बताएपछि प्रहरीको निगरानीमा बि एन्ड बि अस्पतालमा नै उपचार भइरहेको छ। घटनाको सम्बन्धमा थप अनुसन्धान सुरु गरिएको छ।