मड्रिड । किलियन एमबाप्पेले रियल म्याड्रिडमा आबद्ध हुने आफ्नो बाल्यकालको सपना पूरा भएको बताएका छन् । खचाखच भरिएको स्यान्टियो बर्नाबेउमा मंगलबार स्वागत गर्दा उनले सो कुरा बताएका हुन् ।फ्रान्सका २५ वर्षीय फरवार्डले पेरिस सेन्ट जर्मेनसँगको सम्झौताको म्याद सकिएपछि जुलाईमा क्लबसँग पाँच वर्षको सम्झौता गरेका थिए । तर, युरो २०२४ मा फ्रान्सको संलग्नताका कारण उनको प्रस्तुतिमा ढिलाइ भएको थियो । जहाँ टोली स्पेनसँग सेमिफाइनल चरणमा परााजित भएको थियो।बर्नाबेउमा ८० हजारभन्दा बढी समर्थकहरूको भीडलाई सम्बोधन गर्दै एमबाप्पेले आफूले सधैँ आफूलाई रियल म्याड्रिडको खेलाडी भन्न सक्ने क्षणको सपना देखेको थियो। एम्बाप्पेले भने, ‘मैले रियल म्याड्रिडबाट एक दिन खेल्ने सपना देखेर रात बिताएँ र आज म एक खुसी मान्छे हुँ । मेरो परिवार यहाँ धेरै खुसी छ । म मेरी आमा रोएको देख्न सक्छु। यो मेरो लागि अविश्वसनीय दिन हो, मैले यो दिनको सपना सानैदेखि देखेको थिएँ । यो दिन मेरो लागि धेरै अर्थपूर्ण छ।’ एम्बाप्पेले पीएसजीबाट ३ सय ८ खेलमा २ सय ५६ गोल गरेका छन् ।
इन्टरनेटमा के गरौं गरौं हुन्छ
टेलिकमको फाइबर इन्टरनेट जोड्ने ग्राहकलाई
क्यासिनो एपमार्फत नेपालीलाई सट्टेबाजीमा लगाउने
मोबाइल एपमार्फत १ घण्टामै श्रम
आठ महिनामा नेपाल भित्रिए ७८
खेलकुद मन्त्री र आइसिसी अध्यक्षबीच