सुर्खेत– बाढीपहिरो पीडितका लागि इन्द्रेणी फाउण्डेसनले दिएको राहत रकम कालिकोटको नरहरिनाथ गाउँपालिकाका अध्यक्ष नगेन्द्र विष्टको खाताबाट हराएको आरोप लागेको छ ।
इन्द्रेणी टेलिभिजन कार्यक्रम र इन्द्रेणी समाजले बाढीपीडितका लागि संकलन गरेर पाँच लाख ४३ हजार पाँच रुपैयाँ बराबरको राहत रकम अध्यक्ष विष्टलाई औपचारिक रूपमा चेकमार्फत हस्तान्तरण गरेको थियो । तर, उक्त राहत अझैसम्म वास्तविक पीडितसम्म पुग्न सकेको छैन् ।
२०७७-०७८ सालमा आएको बाढीपहिरोको नरहरिनाथ गाउँपालिकाको वडा नं. ५, ६ र ९ मा ठुलो धनजनको क्षति पुर्याएको थियो । त्यहाँ ठूलो धनजनको क्षति पुर्याएपछि काठमाडौंस्थित इन्द्रेणी कार्यक्रमका सञ्चालक कृष्ण कँडेलले राहत संकलन गरेर चेक अध्यक्ष विष्टलाई सार्वजनिक रूपमा हस्तान्तरण गरेका थिए ।
इन्द्रेणीबाट २०८० साल माघ २० गते प्रदान गरिएको राहत रकम हालसम्म पनि वितरण नगर्दा नागरिकहरूले प्रश्न उठाउने गरेका छन् । बाढीपीडित नरबहादुर बुढाले जनप्रतिनिधिले त्यही राहत पनि खाएको आरोप लगाए ।
गाउँपालिका प्रवक्ता तथा वडा नं. ९ का वडाध्यक्ष प्रदीप बोहोराले बाढीपहिरोका कारण ज्यान गुमाउने, घर गुमाउने र विस्थापित हुने घरपरिवारको लागि जम्मा इन्द्रेणी पाँच लाख ४३ हजार पाँच रुपैयाँ मात्र राहत रकम जम्मा भएको बताए । उनका अनुसार इन्द्रेणी फाउन्डेसनका सञ्चालक कँडेलले गाउँपालिकाका अध्यक्ष, उपाध्यक्ष र नौ वटै वडाध्यक्षसमक्ष रकम हस्तान्तरण गरेका थिए ।
‘रकम हस्तान्तरणको क्रममा गाउँपालिकाको खातामा जम्मा गर्ने कि भन्ने छलफल भएको हो । तर, गाउँपालिकाको खातामा जम्मा गर्दा आम्दानी बाधी भुक्तानी गर्दा प्रक्रिया निकै झन्झटिलो हुने भएकोले अध्यक्ष विष्टको नाममा चेक काटी हस्तान्तरण गरिएको ठिक साँचो हो,’ उनले भने, ‘चेक हस्तान्तरणपश्चात चेक कहाँ ? कसरी साटियो हामी अध्यक्षबाहेक कोही जानकार छैनौँ ? मैले कालिकोट आएपछि कार्यपालिकाको बैठकमा इन्द्रेणीमार्फत हस्तान्तरण गरिएको राहत वितरण गर्ने सम्बन्धमा प्रस्ताव गरेको छु ।’
प्रवक्ता बोहोराले त्यो रकम कसलाई दिने ? कसरी दिने ? भन्नेबारे छलफल भएको बताए । तर, पछि यस विषयमा पालिका नेतृत्व गम्भीर नभएको उनले बताए ।
‘मैले त यदि यती ढिलाइ भइसक्यो अहिलेसम्मको ब्याज करिब डेढ लाख थपेर दिनुपर्छ भनेकै हो,’ उनले भने, ‘तर यसमा पनि गम्भीरता देखिएन । अहिले यो रकम गाउँपालिकाको खातामा छ भन्ने कुरा आएको छ । तर कुन खातामा राखिएको छ हामी जानकार छैनौँ ।’
सायद गाउँपालिकाको खातामा यो रकम हुन पनि सक्छ, नहुन पनि सक्नेमा प्रवक्ता बोहोराले आंशका व्यक्त गरे ।
‘अहिले त्यो राहत रकम जता छ बाँड्नमा ढिला नगरौँ भनेको छु,’ उनले प्रश्न गर्दै भने, ‘सकिन्छ एक हप्तामै बाँडौँ । बाँड्नलाई के ले रोकेको छ ?’
इन्टरनेटमा के गरौं गरौं हुन्छ
टेलिकमको फाइबर इन्टरनेट जोड्ने ग्राहकलाई
क्यासिनो एपमार्फत नेपालीलाई सट्टेबाजीमा लगाउने
मोबाइल एपमार्फत १ घण्टामै श्रम
आठ महिनामा नेपाल भित्रिए ७८
खेलकुद मन्त्री र आइसिसी अध्यक्षबीच