रफाहमा इजरायली बमबारीबारे ओआईसीले दियो यस्तो प्रतिक्रिया

अर्थ चौतारी

२०८१ जेष्ठ १५, मंगलवार

रफाहमा इजरायली बमबारीबारे ओआईसीले दियो यस्तो प्रतिक्रिया

A A- A+

तेल अभिभ । इस्लामिक देशहरूको संगठन (ओआईसी)ले राफाहमा इजरायलले गरेको हवाई हमलाको कडा निन्दा गरेको छ । यसलाई प्यालेस्टिनी नागरिकहरू विरुद्ध इजरायली सेनाले गरेको जघन्य नरसंहारको संज्ञा दिइएको छ । यस हमलामा कम्तीमा ४५ जनाको ज्यान गएको थियो भने दर्जनौं घाइते भएका थिए । तीमध्ये अधिकांश महिला र बालबालिका थिए ।
इस्लामिक सहयोग संगठन (ओआईसी)ले इजरायलको आक्रमणलाई ‘युद्ध अपराध, मानवता विरुद्धको अपराध र राज्यद्वारा प्रायोजित आतंकवाद’ भनेको छ । ओआईसीले यस हमलाका दोषीहरूलाई अन्तर्राष्ट्रिय फौजदारी कानून अन्तर्गत जवाफदेही बनाउनुपर्ने र उनीहरूलाई कारबाही गर्नुपर्ने बताएको छ । रफाहमा इजरायली सेनाको आक्रमणलाई तुरुन्तै रोक्न अन्तर्राष्ट्रिय न्यायालयको आदेश कार्यान्वयन गर्न आफ्नो जिम्मेवारी पूरा गर्न अन्तर्राष्ट्रिय समुदाय विशेष गरी संयुक्त राष्ट्र सुरक्षा परिषद्लाई ओआईसीले आह्वान पनि गरेको छ ।
आइतबार साँझ, इजरायली सेनाले गाजा पट्टीको दक्षिणी सहर रफाहमा विस्थापित प्यालेस्टिनीहरूको शिविरलाई निशाना बनाएर हवाई हमला गरेको थियो । सो आक्रमणमा ४५ प्यालेस्टाइनीको मृत्यु भएको हमासद्वारा सञ्चालित स्वास्थ्य मन्त्रालयले बताएको थियो ।