आफूले राजीनामा दिएको प्रसंग सुनाउँदै उपसभामुखलाई राजीनामा दिन गोकुल बाँस्कोटाको सुझाव

अर्थ चौतारी

२०८१ भाद्र २५, मंगलवार

आफूले राजीनामा दिएको प्रसंग सुनाउँदै उपसभामुखलाई राजीनामा दिन गोकुल ...

A A- A+

काठमाडौं, २५ भदौ । नेकपा (एमाले) का प्रभावशाली नेता तथा पूर्वमन्त्री गोकुल प्रसाद बाँस्कोटाले प्रश्न उठेपछि आफूले पनि मन्त्री पदबाट राजीनामा दिएको स्मरण गराउँदै तत्काल राजीनामा दिन उपसभामुख इन्दिरा रानालाई सुझाव दिएका छन् । प्रतिनिधिसभाको आजको बैठकमा बोल्ने क्रममा सांसद बाँस्कोटाले यस्तो बताएका हुन् ।

उनले राजनीतिमा नैतिकता, आँट र साहस हुनुपर्ने भन्दै उपसभामुखलाई राजीनामा दिन भनेका हुन् । उनले भने,‘त्यसैले मेरो भन्नु के छ भने जब यत्रो प्रश्न उठ्यो भने उहाँले आफ्नो पदबाट मार्गप्रशस्त गरे के बिग्रिन्छ ? यत्ति गरे सबैलाई एकमुष्ट जवाफ भएन र ? बाँकी कुरा त कानूनले वा छानबिन भयो भने त्यसले गर्ला ? त्यति गर्नको निम्ति मेरो सुझाव छ । जवाफदेहिता चाहिन्छ भनेर जवाफ माग्ने कुरा लोकतन्त्रको हत्या हुँदैन् ।’