काठमाडौं– नेपाली कांग्रेसका सांसद रामहरि खतिवडाले नेपाल प्रहरीका आईजीपीको जिब्रो थुत्नुपर्ने भनेर सञ्चार तथा सूचना प्रविधिमन्त्री पृथ्वीसुब्बा गुरुङले दिएको अभिव्यक्तिको विरोध गरेका छन् ।
मंगलबार प्रतिनिधि सभाको विशेष समयमा बोल्दै उनले मन्त्रीहरूले बोल्दा जिब्रोमा ब्रेक लगाउन आवश्यक रहेको बताए । सञ्चारमन्त्री गुरुङले शनिबार दिएको उक्त विवादित अभिव्यक्तिबारे संसद्लाई जवाफ दिन पनि खतिवडाले माग गरे ।
‘सञ्चारमन्त्रीज्यूले केही दिन पहिला नेपाल प्रहरीका आईजीपीको जिब्रो थुत्नुपर्छ भनेर अभिव्यक्ति दिनुभएछ । यो अभिव्यक्ति आपत्तिजनक छ । मन्त्रीहरूलाई म अनुरोध गर्न चाहन्छु- जिब्रोमा ब्रेक लगाइयोस्’, उनले भने, ‘अन्त कहाँ–कहाँ ब्रेक लगाउनुपर्ने हो ? लाग्दै गर्ला तर मन्त्रीहरूले जिब्रोमा ब्रेक लगाएर बोलियोस् । यसको जवाफ संसद्मा दिइयोस् ।’
गत शनिबार सञ्चारमन्त्री गुरुङले पोखरामा आयोजित पत्रकार सम्मेलनमा प्रहरी समायोजन ऐनबारे बोल्दै आईजीपीबारे कडा टिप्पणी गरेका थिए ।
‘प्रहरीको आईजीपीले के भन्यो ? म कानुन लागू गर्दिन, हुँ गर्छ । त्यस्तो बोल्न पाउने कि नपाउने रु त्यसको जिब्रो थुत्नुपर्थ्यो, मैले भन्दाखेरी’, गुरुङले भनेका थिए ।
सञ्चारमन्त्री गुरुङको उक्त अभिव्यक्तिको आलोचना भइरहेको छ । मन्त्री गुरुङले आइतबार राष्ट्रिय समाचार समितिको कार्यक्रममा आफूले गल्ती महसुस गरेको र प्रधानमन्त्रीले पनि सचेत गराएको बताएका थिए ।
इन्टरनेटमा के गरौं गरौं हुन्छ
टेलिकमको फाइबर इन्टरनेट जोड्ने ग्राहकलाई
क्यासिनो एपमार्फत नेपालीलाई सट्टेबाजीमा लगाउने
मोबाइल एपमार्फत १ घण्टामै श्रम
आठ महिनामा नेपाल भित्रिए ७८
खेलकुद मन्त्री र आइसिसी अध्यक्षबीच