काठमाडौं । यो वर्ष (सन् २०२४) जनवरीयता डेंगी संक्रमणबाट तीनजनाको मृत्यु भएको छ । इपिडिमियोलोजी तथा रोग नियन्त्रण महाशाखा (ईडीसीडी)का अनुसार पछिल्लोपटक १२ अगष्टमा एक पाँच वर्षीय बालकको मृत्यु भएको हो ।
ती बालकको काठमाडौंको कान्ति बाल अस्पतालमा उपचारको क्रममा मृत्यु भएको ईडीसीडीले जनाएको छ ।
यसअघि तनहुँका ५० वर्षीय पुरुष र झापाकी ४० वर्षीय महिलाको मृत्यु भएको थियो । ईडीसीडीका अुनसार जनवरीयता २३ अगष्टसम्म देशभर पाँच हजार ११९ जना संक्रमित भएका छन् ।
गण्डकी प्रदेशमा सबैभन्दा धेरै दुई हजार १८२ जनामा संक्रमण देखिएको छ । जिल्लागत रूपमा तनहुँमा सबैभन्दा धेरै एक हजार ४५ जनामा संक्रमण पुष्टि भएको छ ।
यस्तै, चितवनमा ४६८, काठमाडौंमा ४२१, कास्कीमा ४०८, पर्वतमा २७२, गोरखामा १७७, झापामा १५५ र मकवानपुरमा १०४ जना संक्रमित भएका छन् । यीबाहेक अन्य जिल्लामा संक्रमितको संख्या १०० भन्दा कम छ । यो वर्ष डेंगी ७५ जिल्लामा देखिएको छ । हुम्ला र डोल्पाबाहेक सबै जिल्लामा डेंगी देखिएको ईडीसीडीले जनाएको छ ।
इन्टरनेटमा के गरौं गरौं हुन्छ
टेलिकमको फाइबर इन्टरनेट जोड्ने ग्राहकलाई
क्यासिनो एपमार्फत नेपालीलाई सट्टेबाजीमा लगाउने
मोबाइल एपमार्फत १ घण्टामै श्रम
आठ महिनामा नेपाल भित्रिए ७८
खेलकुद मन्त्री र आइसिसी अध्यक्षबीच