काठमाडौँ । काठमाडौँमा एक युवकमाथि खुकुरी प्रहार गरी फरार रहेका दुई जनालाई प्रहरी पक्राउ गरेको छ । पक्राउ पर्नेमा सङ्खुवासभाको खाँदबारी नगरपालिका–५ घर भएका २६ वर्षीय मिङ्मा शेर्पा र ३० वर्षीय रिन्जी शेर्पा रहेका छन् ।
गत साउन २५ गते राति अन्दाजी साढे १० बजे काठमाडौँ महानगरपालिका–२५ स्थित उग्रतारा मन्दिर अगाडि उनीहरूले रुकुमपूर्व सिस्ने गाउँपालिका–५ बस्ने २४ वर्षीय सुमन खड्कामाथि खुकुरी प्रहार गरेका थिए । खुकुरी प्रहार गरी खड्कालाई घाइते बनाएर उनीहरू फरार रहेका थिए ।
काठमाडौँ उपत्यका अपराध अनुसन्धान कार्यालयको टोलीले मिङ्मा र रिन्जीलाई शनिबार पुरानो बसपार्कबाट पक्राउ गर्न सफल भएको थियो । उनीहरूलाई आवश्यक अनुसन्धान र तथा कारबाहीका लागि प्रहरी वृत्त, जनसेवा पठाइएको छ ।
इन्टरनेटमा के गरौं गरौं हुन्छ
टेलिकमको फाइबर इन्टरनेट जोड्ने ग्राहकलाई
क्यासिनो एपमार्फत नेपालीलाई सट्टेबाजीमा लगाउने
मोबाइल एपमार्फत १ घण्टामै श्रम
आठ महिनामा नेपाल भित्रिए ७८
खेलकुद मन्त्री र आइसिसी अध्यक्षबीच