काठमाडौं – दुई दिनदेखि परिरहेको अविरल वर्षाका कारण धनजनको क्षति भएपछि भारतमा अत्यास बढेको छ । बाढी चलेर नेपालका नदीको सतहले खतरातह पार गरेपछि विहारको जलसंशाधन विभागले सबै कर्मचारीहरूको बिदा नै रद्द गरिदिएको छ ।
२७ नोभेम्बर (बिहीबार) देखि नेपालमा निरन्तर अत्यधिक एवम् अप्रत्याशित वर्षा जारी रहेकोले आउँदो २४ घण्टाभित्र नेपाल उद्गम रहेका गण्डकी, कोशी र महानन्दा लगायत नदीमा अत्यधिक जलप्रवाह हुनसक्ने सो विभागले जनाएको छ ।
बाढीको जोखिम बढेपछि विभागले उच्चस्तरीय बैठकमार्फत स्थितिको गम्भीरतालाई मध्यनजर गर्दै पूर्वतयारीको स्थिति र थप आवश्यक निर्णय लिएको सो विज्ञप्तिमा उल्लेख छ । अतिसम्वेदनशील तटबन्ध र संरचनाको सुरक्षा निम्ति आगामी २४ घण्टासम्म क्याम्प राखेर अलर्ट रहन पनि निर्देश गरेको छ ।
नेपाल र तिब्बत उद्गमविन्दु भएका नदीले तल्लो तटीय क्षेत्र भारतमा बर्खायाममा वर्षेनी वितण्डा मच्चाउने गर्छ । कुल ४५ हजार किलोमिटर लामो नेपालका ६ हजार नदीनालाको पानी भारतको विहार र उत्तर प्रदेश हुँदै गङ्गा नदीमा मिसिएर बङ्गालको खाडीमा पुग्छ ।
भारतलाई सबैभन्दा बढी दुःख नेपालको सप्तकोशी नदीले दिन्छ । कोशी नदी चतरा हुँदै भारततिर लाग्छ । विहारको भागलपुरस्थित कोटशीलाघाटमा पुगेर गंगा नदीमा मिसिन्छ । जलप्रवाह अर्थात पानी बग्ने हिसाबले सप्तकोशी नदी नेपालको सबैभन्दा ठूलो नदी हो ।
सप्तगण्डकी नदीलाई देवघाटमा त्रिशुली र कालीगण्डकी नदी मिसिएर अघि बढ्दा नारायणी नदी भनिन्छ । नेपाल–भारत सीमा भैंसेलोटन हुँदै सो नदी भारततर्फ बग्छ ।
भैंसेलोटनबाट अघि बढेको नदीलाई भारतीयहरुले गण्डक नदी भन्छन् । हाजीपुर अर्थात हरिहर क्षेत्रमा पुगेपछि गण्डक नदी गंगामा गएर मिसिन्छ । सप्तकर्णाली नदी नेपाल र भारतको सीमामा रहेको कटर्नीयाघाटबाट भारततर्फ लाग्छ ।
अविरल वर्षाका कारण नेपालका यी सबै नदीमा जलसतह बढेको छ । कोशी नदीले मात्रै १० स्टेशनमा खतराको तह पार गरेको छ ।
इन्टरनेटमा के गरौं गरौं हुन्छ
टेलिकमको फाइबर इन्टरनेट जोड्ने ग्राहकलाई
क्यासिनो एपमार्फत नेपालीलाई सट्टेबाजीमा लगाउने
मोबाइल एपमार्फत १ घण्टामै श्रम
आठ महिनामा नेपाल भित्रिए ७८
खेलकुद मन्त्री र आइसिसी अध्यक्षबीच